ຄຸນລັກສະນະຜູ້ແທນກອງປະຊຸມໃຫຍ່ຜູ້ແທນ ທົ່ວປະເທດຄັ້ງທີ X ຂອງພັກ
18/01/2016 16:31
ສົ່ງເມວພິມເບິ່ງ 239
ຂປລ. ໃນມື້ທຳອິດຂອງກອງປະຊຸມ ສະຫາຍ ຈັນສີ ໂພສີຄຳ ຄະນະເລຂາທິການສູນກາງພັກ ຫົວໜ້າຄະນະຈັດຕັ້ງສູນກາງພັກ ຂຶ້ນລາຍງານຄຸນລັກສະນະຜູ້ແທນກອງກອງປະຊຸມໃຫຍ່ ຄັ້ງທີ x ຂອງພັກ ເຊິ່ງມີເນື້ອໃນບາງຕອນດັ່ງນີ້: ຜູ້ແທນສົມບູນເຂົ້າຮ່ວມກອງປະຊຸມໃຫຍ່ທັງໝົດ 685 ສະຫາຍ, ເພດຍິງ 83 ສະຫາຍ ປະກອບມີ 27 ຊົນເຜົ່າເຊິ່ງເປັນຕົວແທນໃຫ້ແກ່ສະມາຊິກພັກໃນທົ່ວປະເທດ 268.431 ສະຫາຍ ທຽບໃສ່ຜູ້ແທນກອງປະຊຸມໃຫຍ່ ຄັ້ງທີ IX ຂອງພັກເພີ່ມຂຶ້ນ 18,15%, ໃນນັ້ນມີກຳມະການສູນກາງພັກ ສະໄໝທີ IX 49 ສະຫາຍ, ຍິງ 4 ສະຫາຍຜູ້ແທນທີ່ໄດ້ເລືອກຕັ້ງຈາກອົງຄະນະພັກແຂວງ, ນະຄອນຫລວງມີ 412 ສະຫາຍ ຍິງ 47 ສະຫາຍຈາກອົງການຄະນະພັກກະຊວງ, ອົງການອ້ອມຂ້າງສູນກາງມີ 224 ສະຫາຍ, ຍິງ 32 ສະຫາຍຜູ້ແທນສົມບູນມາຈາກຂົງເຂດຕ່າງໆດັ່ງນີ້:
ຈາກຂົງເຂດພັກອົງການແນວລາວສ້າງຊາດ ແລະ ອົງການຈັດຕັ້ງມະຫາຊົນຈຳນວນ 333 ສະຫາຍ ຍິງ 54 ສະຫາຍ. ຈາກຂົງເຂດປ້ອງກັນ ຊາດ-ປ້ອງກັນຄວາມສະຫງົບຈຳນວນ 102 ສະຫາຍ ຈາກຂົງ ເຂດເສດຖະກິດຈຳນວນ 140 ສະຫາຍຈາກຂົງເຂດນິຕິບັນຍັດຕຸລາການ ແລະ ວັດທະນະທຳ-ສັງຄົມ ຈຳນວນ 110 ສະຫາຍ ໃນນັ້ນຜູ້ທີ່ເຂົ້າກ່ອນວັນທີ 02/12/ 1975 ມີຈຳນວນ 622 ສະຫາຍຍິງ 79 ສະ ຫາຍຜູ້້ມີອາຍຸສູງສຸດ 78 ປີຕ່ຳສຸດ 35 ປີອາຍຸສະເລ່ຍແມ່ນ 57 ປີ. ລະດັບການສືກສາ ສາມັນຈົບຊັ້ນ ປະຖົມມີ 03 ສະຫາຍ, ຍິງ 01 ສະຫາຍ; ຊັ້ນມັດທະຍົມຕົ້ນມີ 20 ສະຫາຍຊັ້ນມັດທະຍົມປາຍມີ 662 ສະຫາຍ, ລະດັບວິຊາສະເພາະຊັ້ນຕົ້ນມີ 08 ສະຫາຍຊັ້ນກາງມີ 43 ສະຫາຍຊັ້ນສູງມີ 114 ສະຫາຍ ປະລິນຍາຕີມີ 175 ສະຫາຍປະລິນຍາໂທມີ 254 ສະຫາຍປະລິນຍາເອກມີ 89 ສະຫາຍເໜືອປະລິນ ຍາເອກ 02 ສະຫາຍ. ລະດັບທິດສະດີການເມືອງບໍ່ໄດ້ຜ່ານມີ 04 ສະຫາຍບຳລຸງມີ 05 ສະຫາຍ ຊັ້ນ ຕົ້ນມີ 03 ສະຫາຍຊັ້ນກາງມີ 11 ສະຫາຍຊັ້ນສູງ 450 ສະຫາຍປະລິນຍາຕີ 85 ສະຫາຍປະລິນຍາໂທ 88 ສະຫາຍປະລິນຍາເອກ 39 ສະຫາຍ. ຕຳແໜ່ງໃນພັກ: ກຳມະການສູນກາງພັກສະໄໝທີ IX ມີ 49 ສະຫາຍເລຂາພັກ, ຮອງເລຂາພັກແຂວງ, ນະຄອນຫລວງ, ກະຊວງ-ອົງການມີ 98 ສະຫາຍ. ຄະນະພັກແຂວງ, ນະຄອນຫລວງ, ກະຊວງ-ອົງການ: 373 ສະຫາຍ, ເລຂາ, ຮອງເລຂາພັກເມືອງ 98 ສະຫາຍ. ເລຂາ ແລະ ຄະນະພັກຮາກຖານ 32 ສະຫາຍ, ເລຂາ ແລະ ຄະນະໜ່ວຍພັກ 32 ສະຫາຍ, ສະມາຊິກພັກສົມບູນ 03 ສະຫາຍ.
ຜ່ານການກວດກາຄຸນລັກສະນະຜູ້້ແທນສົມບູນ ທີ່ໄດ້ຮັບການເລືອກຕັ້ງເຂົ້າຮ່ວມ ກອງປະຊຸມໃຫຍ່ ຜູ້ແທນທົ່ວປະເທດຄັ້ງນີ້ ລ້ວນແຕ່ປະຕິບັດຖືກຕ້ອງ ຕາມກົດລະບຽບຂອງພັກ ແລະ ແມ່ນຜູ້ທີ່ມີມາດຕະຖານຄົບຖ້ວນ ສົມເປັນຕົວແທນໃຫ້ ແກ່ສະມາຊິກພັກໃນທົ່ວປະເທດ ເຂົ້າຮ່ວມກອງປະຊຸມໃຫຍ່ ຜູ້ແທນທົ່ວປະເທດ ຄັ້ງທີ X ຂອງພັກຢ່າງແທ້ ຈິງ.